خواطر بعنوان : ( يعنى ايه )
بقلم محمد عباس – الاسماعيليه
يعنى ايه مش فاهم قولى
يعنى ايه بس اللى فاض لى
يعنى كل الناس دى سعيدة
وانا اللى الدمعه قريبه منى
يعنى بعد حياتى الحلوة
اصحى واقوم والهجر قتلنى
يعنى امى واخويا وابنى
يعنى النور والفكر فايتنى
يعنى ايه اللى معذبنى
عمرى مافكرت يوم هاتسبنى
يعنى اقضى حياتى وحيد
عايش فى غربه بتدوبنى
دى الحياة من بعدك صعبه
والدموع مابقتشى مساعده
والجبال تتهد فى لحظه
لما كل الناس دى مباعده
يعنى بعد عشرة طويله
الاقى نفسى قليل الحيله
والوفاء بقى طبع وسيرة
حتى الدفا بقى ذكرى جميله
يعنى بعد العمر ماعدى
الاقى جليسى تليفون ومخدة
فين ايام الحب قولولى
فاتت بسرعه وسابت لى الهدة
فين الصوت اللى يطمنى
فين الضحكه اللى بتأثرنى
فين اللقمه وفين الفرشه
فين احلامى اللى بتشغلنى
لسه البسمه فى قلبى وعايشه
انطفى شوقى وكسرة قلبى
زهدت نفسى وخيم جرحى
يعنى فين الكلمه الحلوة
يعنى فين الشوق والغنوة
يعنى كل حياتى فى ثانيه
تتغير بى لدنيا تانيه
عشت حياتى بصون الود
لا ابص شمال ولا اغازل حد
احابى على بيتى واوفى العهد
ملكه حياتى وعشقى بجد
رحلت منذ ساعات تتعد
وصار مابينى وبينها السد
بعد الخد مافارق الخد
بقول يارب قوينى واشد
واحبس دموع والام الغد
