الابراج اليوم الاربعاء6/11/2019
اسماء وحيد
توقعات برج الحمل اليوم الاربعاء 06 نوفمبر 2019
الحمل ♈
قد تشعر بالتعب والارهاق وتميل للانطواء ورعاية صحتك والتفكير بالذكريات اكثر.. عاطفيا يوم متوسط واغلبه الحنين للماضي
مهنياً:يوم اجتماعي وعلاقات عائلية وصداقات كتيرة بس انت مابعرف شبك يعني مو حدا بيستاهل ماتزعل على حدا .. عم تحدد بعض اولوياتك وترسم أهداف مستقبلية كمان بدي منك لا تدخل بأمور مالك فيها وهدي حالك من اي قصة بتصير معك او مع حدا بخصك رغم الوضع مو كتير مريح وناس معاملتا معك مو عاجبتك حاول لا تخلي المشاكل تتدخل بشغلك وكون ذكي وركز على المهم والي بخصك انت مرق هالفترة بدون مانكبر الامور وتتجاوزها بخير.. اذا عندك شغل بتكون مضغوط ومدخول ببلش تدريجي ..
عاطفياً:عاطفة متقلبة ومزاجية مسؤوليات عم تتحملها رغم انك مانك مرتاح ومابقا عندك استعداد انو حدا يستغل عاطفتك وبلاخص اذا ناطري شي مهم هاليومين .. والمرتبط غير متزوج عم يكون عندو اهتمام اكتر وعم يوقف بحد الشريك وعم يساعدو رغم ظروف .. ويمكن قصة بتخص الانجاب عند بعض نساء ..
صحياً:بتحاول بهاليوم تبتعد عن توترات وعم تعطي صحتك شوية وقت لترتاح اكتر..
❤غنيتك❤اليوم: ولو … معين شريف
توقعات برج الثور اليوم الاربعاء 06 نوفمبر 2019
الثور ♉
يبرز الجانب الأكثر انفتاحا في شخصيتك وتهتم بامورك الاجتماعية والأصدقاء ..عاطفيا جيد
مهنياً:يوم منيح الك عم تنشط على صعيد العلاقات الاجتماعية والعاطفية وعم يحملك يوم في لقاءات وعزايم ورفقات حدك وممكن الامور عم تتحسن احسن من قبل برغم انك تعب نفسياً ومهنياً ومالياً عم يكون عندك حماس وقوة لتخلص شغلك واعمالك كلها وكتير عندك تنقلات ورايح جاي وممكن تستفيد من ناس المقربة منك اذا بدك شي ..
عاطفياً:لقاءات واتصالات والاجواء متقلبة .. المرتبط بدي منك تحاول تهدي حالك وصاير عصبي كتير هالايام ومانك عم تتحمل حدا وممكن اي نقاش تعمل عليه مشكلة حاول تسيطر على انفعالاتك وهدي اعصابك مابدي ياك تخسر شي اليوم .. الغير مرتبط جذاب وساحر لهيك بدي منك تستغل هاليوم ممكن في حب ناطرك واجواء حلوة .. ولبعض ببلش بعلاقة سرية ..
صحياً:عم تتعرض لصداع شديد برأس بدي منك تحافظ على صحتك ولا تكون عصبي وانفعال.
❤غنيتك❤اليوم:بعدك زعلاني مني .. شادي اسود
توقعات برج الجوزاء اليوم الاربعاء 06 نوفمبر 2019
الجوزاء ♊
تهتم بأمورك المهنية وتعاملك مع المسؤولين والكبار في السن وامورك العائلية ..عاطفيا متوسط
مهنياً:قصص بشغلك ونتبه على سمعتك بشغل او بعلاقاتك .. بدي منك كتير تكون دقيق بأمورك ولا تتهاون بشي وحاول تنظم مواعيدك ولقاءاتك وبلاخص بشغلك لا تتأخر او تغيب عنو ولتزم بشغلك ممكن يصير تغيرات وضغط بشغل كمان لا تعمل مشاكل مع المرؤوسين ممكن هاشي يسبب مشاكل وبلاخص اذا كنت ناطر نقل او مكافئة او ترقية رتب امورك ولا تخاف ونشالله بتتغلب على المغرضين ..
عاطفياً:المرتبط خليك بعيد عن العاطفة والاعزب حب.
اذا بدك نصيحتي بهاليوم حاول تكون بعيد عن لامور العاطفية ماني مرتاح لوضعك اليوم وبلاخص انو في قرار حاسم وممكن تضطر انو تتنازل وتعيد حساباتك حاول تكون حازم مع الشريك..الغير مرتبط ممكن علاقات جديدة وصداقات حلوة واجواء رومنسية ..
صحياً:عم تتعرض ممكن هالفترة لمشاكل الالتهابات بلانف والاذن والحنجرة وسبب تغيرات الطقس او حساسية..
❤غنيتك❤اليوم:اصعب كلمة .. معين شريف
توقعات برج السرطان اليوم الاربعاء 06 نوفمبر 2019
السرطان ♋
يكون لديك أخبار جيدة من الأصدقاء في الخارج مع فرص للسفر وتحسين امور الاقامة والفيزا والاصدقاء . عاطفيا رائع
مهنياً:القمر ببرج الحوت مع الشمس وعطارد بالعقرب .. مايعني انك مقبل على فترة من الارتياح النسبي نفسيا ومهنياً وعم يعطيك القوة ومركز بشغلك او انه اصبح لديك الخبرات الكافية لتستلم او تحسن بقادم الايام وتواجه اي تحديات وعراقيل او لتبدا شغل جديد..يوم مميز الك لتوصل وتنجح و اجواء حلوة اجتماعياً وفيك تسافر وتتحرر من القيود وحركة وتواصل واتصالات وناس بتتعرف عليها جديد..
عاطفياً:المرتبط فرصة لتصلح المسار والاعزب افضل..
حاول تفكر بعقلك ولا تخلي القلب يسيطر عليك لان ممكن يوقعك بمشاكل وانت قلبك طيب وبتوثق بأي شخص بدي منك تنتبهلي له نقطة حتى ما تتعرض لخوض علاقات عاطفية فاشلة..يومك مميز عم تكون ساحر بجاذبيتك وطلتك ويوم بيدعمك بتحسن عاطفي وارتباط للبعض ممكن عن طريق صدفة او من مكان بعيد..
صحياً:لازم تكثر من شرب الماء وبلاخص قبل طعام بساعة ..
❤غنيتك❤اليوم:حبيت عيونك ..جوزيف عطية
توقعات برج الاسد اليوم الاربعاء 06 نوفمبر 2019
الأسد ♌
تتعامل مع شؤونك المالية المشتركة بكافة انواعها وتميل للغموض بالتعبير عن افكارك .. عاطفيا جيد وتكثر فيه الحميمية
مهنياً:يوم بخص مال من شراكة او ميراث وبتدفع على مستلزمات وممكن تسترد او توفي ديون اذا عندك .. يومك مميز بيحملك طاقة وقوة وتحرك وعم تنشط على صعيد المواعيد لكتيرة وعلاقاتك الاجتماعية بتكتر اليوم وممكن انت مقبل على نجاح بيومك او عم تفوت بمفاوضات متعبة لكن بتنجح وبتوصل عم تتحسن امورك اليوم وممكن تحسن مالي وعم يكون يومك في مصالحات بعد ضغط كبير وتوتر بالفترة الأخيرة وممكن بدي هنيك او باركلك ..
عاطفياً:المرتبط فكر بقراراتك ولاعزب لا تدخل بعلاقة مامنها نتيجة..ركز على قراراتك بهاليوم واهم شي بتعد عن اي ضغط بهيك يوم يعني بدي منك تفكر كتير قبل ماتحسم اي موضوع اذا كنت اعزب او مرتبط.. انا مقدر كلشي عم تقدمو لشريك من تضحيات وبكافة الظروف وبعتقد انو صار الوقت الي يساندك ويوقف حدك بأي محنة ممكن تمر فيها ..
صحياً:امورك افضل وتحسن بصحتك وعم تابع اعمالك على اكمل وجه ..
❤غنيتك❤اليوم:كل الحق عليك .. معين شريف
توقعات برج العذراء اليوم الاربعاء 06 نوفمبر 2019
العذراء ♍
تكون علاقاتك الشخصية في دائرة الضوء وتهتم بالاستماع لآراء الآخرين ولكن كن دبلوماسيا اكثر .. عاطفيا عاصف
مهنياً:يوم للعلاقات والشراكات .. نتبه لكلامة قبل ماطالعو لان ممكن يوقعك بمشاكل بالغنى عنها انت … عم تعصب وممكن تنفعل بدي منك كتير تحافظ على هدوئك اليوم وتعد للعشرة قبل ماتقدم على اي فعل عشوائي وبلاخص مع المحيطين فيك او المسؤول عنك بشغلك وحتى اذا عندك شريك عم يكون في اختلاف بوجهات النظر وسوء تفاهم كون دبلوماسي وبتعد عن المواجهات وتوترات وحاول توجد حلول وسط ومرق هاليوم على خير وستغل هاليوم بمشوار ولمة ..
عاطفياً:المرتبط مانك مرتاح من الشريك والاعزب عم تعاني امورك الي ماعم تكمل معك.. مابعرف حجم المشكلة الواصل فيها بينك وبين الشريك بس ابدا مانك راضي عن وضعك وفي توتر واستفزاز من قبل الشريك وممكن هاشي خطير بالوقت الحالي نتبه وكون متفهم للوضع حتى تكمل بعلاقتك.. والبعض كتير بحاجة يقعد او يشوف شريك قديم او اذا الشريك بعيد عنك حالياً بس بتوقع في مصارحة او لقاء عند البعض واعادة ترتيب الامور ضرورية..
صحياً:كتير لازم تنتبه على صحتك هالفترة عم تعاني اضطرابات او ضعفاً بشيء ما..
❤غنيتك❤اليوم:الله شو بحبك .. محمد مجذوب
الميزان ♎
تتعامل مع القضايا العملية لحياتك اليومية وتفكر بالبدء بنظام غذائي صحي .. عاطفيا متوسط
مهنياً:شغل وضغط وضع صحي أعتمد على حالك لانو الحظ يمكن مايساعدك بهاليوم… عم تشعر بعدم الاستقرار ببعض الامور عندك رغم البعض تجاوز فترة صعبة كتير بدي منك تهدي اليوم ولا تدخل بنقاش او اي موضوع او مشروع او اتفاق مانك شايفو مناسب الك ..حاول تتريث وبلاخص عندك ضغوط ومسؤوليات وبدك تحاول تلحق رتب امورك لتحصل على نتائج منيحة..
عاطفياً:المرتبط توتر وناس بتزعجك والاعزب بداية شي جديد .. حاول كتير انك ماتوتر الجو اليوم يمكن هاليوم في بعض توترات او حدا عم يأثر على العلاقة بعد عن الاستفزاز وبعرف الشريك مو كتير عم يفهم عليك بدك طول بالك ..وعم يكون في دعم لتبدا علاقة جديدة جديدة او لقاء او مشوار بصحبة الشريك..
صحياً:عم تعاني قلت نوم وهاشي عم يأثر على عيونك واضح على وجهك وتكون الهالة السوداء عند العين .. والبعض بيشفى وبيتحسن ..
❤غنيتك❤اليوم:بحسك معي .. محمد مجذوب
توقعات برج العقرب اليوم الاربعاء 06 نوفمبر 2019
العقرب ♏
تشعر بالابداع والحب والحظ الجميل وبخصوبة الأفكار وتميل للاهتمام بأطفالك ..عاطفيا جميل
مهنياً:القمر ببرج الحوت الصديق وشمس وعطارد ببرجك مايعني انك مقبل على فترة من نجاح وتحسن بوضعك على عدة أصعدة وممكن تتخلص من مشاكل كتير تعبتك وممكن اغلبها بالعائلة والمنزل تغييرات بيومك وفرصة انت مقبل عليها ممكن شغل جديد او البعض ممكن يحصل على ترقية والبعض عم يحقق ربح مادي واذا مفكر بسفر او مشوار كمان فيك وفي عزايم ولقاءات وناس بتحبها..
عاطفياً:يوم للحب والعاطفة والعلاقات الحميمية.. المرتبط أستغل جاذبيتك لتقدر تأثر على الشريك والاعزب حليان ولعين عليك وممكن ارتباط.. نتبه لتصرفاتك مع الشريك وقدر الوضع عم تكون هادي هاليوم وعم تتقرب اكتر من الشريك وبلاخص انت جاذبيتك زايدة اليوم وعندك رومنسية وحليان واكيد هاشي عم يخلي العين عليك ونجمك محبوب ورح يرجع حب الك او تبدا علاقة عاطفية جديدة وممكن البعض عندو لقاء او أتصالات طويلة ورمنسية..
صحياً:لازم تعرض حالك على اخصائي تغذية لتحل بعض مشاكلك صحية وبلاخص زيادة الوزن اذا موجودة.. والبعض عم ينجح بنقصان الوزن وعم يوصل لجسم رشيق ..
❤غنيتك❤اليوم:ضلك معي… ربيع بارود
توقعات برج القوس اليوم الاربعاء 06 نوفمبر 2019
القوس ♐
تتعامل مع امورك العائلية والمنزلية والعقارية اضافة للمزج بين امورك المهنية والعائلية معا .. عاطفيا متوسط
مهنياً:امور قضائية وعائلية ويوم بدو هدوء ويمكن نقل وقصص عم تعبك .. عم يكون حجم ضغط عليك كبير والمسؤوليات بتحسا عم تزيد رغم كلشي عم تعملو وماعم تعرف كيف بدك تتخلص منها حتى اليوم ممكن دافع عن مبادئك ومشاريعك وعم تعاني من ناس مقربة وعم تعبك وتغيير لسكن او لسبب ما ممكن تنقل .. عم تواجه عراقيل بدي منك تروق لتعرف كيف تحل امورك وتطرح افكار جديدة مهمة..
عاطفياً:المرتبط هدي وحاول تتجاوز الوضع والاعزب يبدو امورك ماعم تتحسن وبحاجة لشوية تنازلات ولمبادرة .. بما انو الامور ماوصلت لتنهي علاقتك فيك تتجاوز هاشي ولا تكبر القصة ممكن الشريك متعبك وحاسس انو مانو مريحك وهو سبب بانو امورك ماعم تتحسن مابدي ياك ترمي كلشي عليه بعدو الوضع قابل للحل لا تجرح بكلامك وتصرفاتك او تحرجو بشي لان هاشي ممكن يأثر بقادم الايام ما لم تراعي ذلك .. ولاعزب الارتبط رسمي مانو موجود بس شكلك بلشت تتعلق بشخص ..
صحياً:ممكن البعض يعاني من امراض السكري لهيك خفف تناول حلويات هالفترة..ومانك مرتاح صحياً وبحاجة لنوم وراحة يمكن تتعب بليلة اليوم ..
❤غنيك❤اليوم:ع بالي شوفك ومافيي شوفك.. مروان خوري .
توقعات برج الجدي اليوم الاربعاء 06 نوفمبر 2019
الجدي ♑
تكون أفكارك ورسائلك قوية للغاية وتبرز بين اصدقائك وتهتم بالتنقلات القصيرة والاتصالات والكتابة .. عاطفيا جميل
مهنياً:رغم تعب في بوادر لحلول بشغلك ومال وعلاقات مع المسؤولين وقصص عقار عندك او تجهيز بيشغلك .. يومك منيح عندك شغل صبح كتير ولازم يكون عندك حسم مهم حاول كتير تكون هادي وتبتعد عن توترات وتعقيدات بلاخص اليوم في تطورات مهمة وممكن تكتر الاتصالات ومن ناس غريبة اومهمة وبتعمل علاقات جديدة وسفرة قصيرة وحتى فيك تعزم وتنعزم بهاليوم وتقضي وقت حلو وناس حولك وفي تحسن مالي ومهني هاليومين ..
عاطفياً:الاعزب اتصالات واجوء جيدة والمرتبط نتبه لتصرفات الشريك ولا تخلي يوقع بالغلط وحسبها منبح .. تحسن بعلاقتك ويوم في امور ايجابية وبلاخص الشريك عم يتجاوب معك بعض الشيء فتعامل معو برواق وبعد عن تشنجات وفرصة لتلتقي بشريك اليوم او تقضي معو وقت حلو او اتصال طويل ورومنسية عندك ..
صحياً:درهم وقاية خير من قنطار علاج اذا بدك تشوف نتائج صحية مرضية اعمل وقاية ونتبه على صحتك.. ولا تخلي الاجواء المتوترة تأثر عليك صحيا وممكن عم تحس بدوخة او أقياء ولعية نفس نتبه لنوعية طعامك.
❤غنيتك❤اليوم:حبيتك وشوق إنقال.. فيروز
توقعات برج الدلو اليوم الاربعاء 06 نوفمبر 2019
الدلو ♒
تتاح لك الفرصة للمشاركة في مناقشات مهمة تتعلق بالأمور المالية فحاول اصطياد فرصك جيدا .. عاطفيا جيد ولكن لا تمزج بين الحب والمال
مهنياً:يوم مالي وضب أيدك ولا تستعجل بشي ويومك بحاجة لشوية ترتيبات.. كلشي بوقتو حلو مابدي ياك تستعجل على شي ولا تتسرع كتير بدك تظبط امورك وترتب وضعك وتعيد حساباتك منيح ممكن اليوم المعنويات افضل بعد تعب كتير كان عندك ببيتك وشغلك والوضع بشكل عام كان متعبك وممكن عندك دعوة لنقاش او اتفاق او شغل ببالك بدك تشتغلو لكن هاشي بدو وقت حتى كمان اذا ناطر شي مالي ممكن امورك اليوم بالمال افضل وممكن تقبض بس مصاريفك بدك تنتبه عليها…
عاطفياً:المرتبط امورك بعدا واقفة والاعزب الاجواء افضل وممكن حب قديم تتقرب منو .. بدي منك تعرف كيف تتعامل مع الشريك حتى تتحسن امورك وبعتقد انو تصحيح العلاقة بينك وبين الشريك صعب كتير بس مافي شي مستحيل نتبهلي لنقاط ضعف وتقرب اكتر .. في لقاء واتصال وعم تحط نقاط على الحروف..
صحياً:نتبهلي من مشاكل ضغط دم ولا تجهد حالك بأعمال متعبة هالفترح وريح حالك منيح ونام منيح…
❤غنيتك❤اليوم:انا اعمل ايه .. محمد مجذوب
توقعات برج الحوت اليوم الاربعاء 06 نوفمبر 2019
الحوت ♓
تنشط من جديد وتمتلئ بالحيوية والطاقة والتفاؤل وتزداد حاجتك إلى العمل والخروج .. عاطفيا جميل فقط تجنب الأوهام
مهنياً:واخيراً بعد تعب كبير انت اليوم افضل .. عم تطلع من حالتك القمر ببرجك قد تنجز عمل او تحقق اهدافك التي انتظرتها طويلاً حتى عم يكون في مصالحات وانفراج بوضعك العام وبتسمع خبر حلو وفيك تسافر اذا ناوي الحظ معك لتعزز موقعك وتحصل على ثقة الجميع فيك وممكن تشارك بمشوار او فعالية او تكون بشغل جماعي يومك حلو استغلوا لصالحك وناس جديدة وعزيمة وبتغير برستيجك ..
عاطفياً:المرتبط انفراج بوضعك العام والاعزب ناطر على نار والقلب بدق … حاول تراعي الوضع ولا تقدم على اي قرارات ما لم تدرسه منيح.. ولازم تعد للعشرة بهيك يوم وتعيد حساباتك لا تبقى بين نارين وحاول تاخد قرار حاسم.. بالمجمل يوم مميز وحليان وساحر وجذاب وممكن اتباط ولقاء عاطفي حلو ومشاعر عم تكبر اكتر …
صحياً:اعتمد على نوعية الاطعمة التي تحتوي الخضار او خلي مشروباتك طبيعية ونتبه على صحتك ولا تكتر اكل حلو…
❤غنيتك❤اليوم:قالولي أنساك… ايمن زبيب
