مشيره العوضي
فى اخر كام ساعة سمعت كمية اشاعات رهيبة على قصة المصاب بفيروس كورونا .. والسبب طبعا حالة الصمت الرهيب والغموض المتعمد من وزارة الصحة .. ادى القصة بكل امانة اللى مضطر احكيها لان سكوت وزارة الصحة بيزيد الاشاعات :
= وصل خطاب اول امبارح من السفارة الصينية للسلطات المصرية ان نتائج التحاليل لراكبة صينية قادمة من مصر اسمها zhang yujie على متن الرحلة 958 الى جوانزوا يوم 4 فبراير طلعت ايجابية وعندها كورونا وبتطلب السفارة اتخاذ الحيطة والكشف على الناس اللى كانوا مخالطين لها.
= على الفور تحركت الاجهزة السيادية واتضح بالفعل ان الراكبة دخلت مصر يوم 21 يناير وخرجت يوم 4 فبراير وتحمل جواز سفر 62230119660260045 .. والبنت دى اصلا من ووهان .. وفى الفترة دى اشتغلت فى شركة Mini So اللى مقرها فى المبنى الاداري لسيتى ستارز (اكرر المبنى الاداري وليس المول) وكانت ساكنة فى الرحاب (مجموعة 105 عمارة 6).
= على الفور تم عمل مسح لكل الموجودين فى الشركة وعددهم 24 واحد … وتأكد بالفعل اصابة واحد منهم بالمرض وهو صينى .. وتم عزله فى الحجر الصحى اللى معمول مخصوص فى مطروح .. بجانب الاشتباه فى اتنين اخرين برضة بس لم تتاكد ايجابية المرض وتم عزلهم برضة احتياطى باحد المستشفيات (رغم سلبية النتائج بس كان عندهم ارتفاع طفيف فى الحرارة).
= قامت الاجهزة السيادية بمسح كل من اختلط بهذة المريضة فى الرحاب وغيرها ولم يثبت ايجابية المرض على اى واحد منهم.
= تم تعقيم برج 4 من ابراج سيتى ستارز الادارية (تانى مش المول) وزيادة فى الاحتياط تم تعقيم برج 5 ايضا لانه يشترك مع برج 4 فى احد الاسانسيرات. .. وزيادة فى الاحتياط تم اغلاق الدورين 11 و 12مؤقتا اللى دخلتهم المصابة.
= كل التحية للاجهزة السيادية اللى قامت بدور البهوات بتوع وزارة الصحة اللى اتخرسوا تماما … ونجحت الاجهزة السيادية فى محاصرة المرض. ولا داع للقلق نهائيا. .. الله يحمى مصر ورجال مصر
