الإكتئاب ابرز انواع الانتحار
بقلم اسراء الجندي
الإكتئاب ابرز انواع الانتحار
ده مرض نفسي ميقلش عن السرطان في حاجة لأنه فعلاً بيظهر للشخص واحده واحده و بعدين يبدأ يتملك حياته كلها و يسيطر عليها و يودينا لحاجة أسوأ هي الإنتحار
نسبة الإكتئاب عند جيل الشباب اللي هو بين ١٥ الي ٤٥ سنه الفترة ديه في مصر متقلش عن ٦٠% و ديه نسبة كبيرة جداً و مينفعش تكون في الشباب اصلاً و بنسبة كبيرة منهم بيبدأ الإكتئاب بسبب ضغوط الدراسة و بعدين مشاكل تانية تضيف علي المشاكل الأولى لكن بيكون اغلبها بنسبه كبيره بسبب البيت و الفرق و البعد اللي بقي بين الاهل و الشاب او البنت اللي معاهم لازم كل واحد جواه حاجة يطلعها يبدأ يحكي يتكلم يشوف يحس يخرج يفرح ميكتمش جواه نفسه ابدأ لان طول مانت بتكتم جواك طول مانت بتساعد علي وجود الإكتئاب ده في حياتك
من أعراض الإكتئاب
فقدان الرغبة في ممارسة الفعاليات اليومية الاعتيادية
الإحساس بالعصبية والكآبة
الإحساس بانعدام الأمل
نوبات من البكاء بدون أي سبب ظاهر
اضطرابات في النوم
صعوبات في التركيز
صعوبات في اتخاذ القرارات
زيادة أو نقصان الوزن بدون قصد
عصبية
قلق وضجر
حساسية مفرطة
إحساس بالتعب أو الوهن
إحساس بقلة القيمة
أفكار انتحارية أو محاولات للانتحار
مشاكل جسدية بدون تفسير، مثل أوجاع الظهر أو الرأس.
اول و اهم خطوة في العلاج ان الإنسان يعرف انه مريض و يعترف بمرضه مش شرط يكون عندك كل الصفات اللي فوق لكن لو نسبة كبيره منهم يبقي لازم تبدأ تحذر نفسك ممكن تتكلم مع حد من اهلك مش عارف تتكلم مع حد من اهلك شوف اصحابك او اي حد تحكيله ممكن تروح تحكي لحد متعرفوش و تسأله نصيحته مش لازم تحكي كل حاجة بالتفصيل و انا عن نفسي هكون فاضي كل يوم ساعة لو حد حابب يكلمني اي وقت لازم تعالج نفسك لان حرام الروح اللي ربنا ادهالك تهدرها لازم تسأل نفسك كام مرة فكرت في الإنتحار؟ كام مره فكرت تخلص حياتك لو الإجابة اكتر من مرة فا لازم تبدأ تتحرك هتتفاجؤا بالاجابات اللي هتسمعوها من الناس ديه حرفياً لكن ده واقع لازم نتقبله و نعيش معاه لازم نبدأ نقويهم مينفعش نحسسهم بالذنب او نقولهم ان البعد عن الدين هو السبب بلاش تخلي ضميري كمان يأنبه لازم تتحاور مع الناس بشكل قوي لازم تفهمهم انه غلط بس بالأسلوب اللي هم عايزينه زي مثلاً انك تسالهم انت ليه فضلت عايش كل ده علشان اهلك مثلا طب اهلك هيعملوا ايه لو حصلك حاجة ليه هتأذيهم (و لو ان ٥٠%من الاكتئاب بيكون سببه الاهل) بس اكيد عنده سبب انه يكون عايش لازم تقوي الإحساس ده عنده فهمه انك جمبه انه مش لوحده
