دنيا و دين
ليه هونا على بعض
الإعلامى/خالد سالم
ليه هونا على بعض
احنا هونا على
بعض
ولا لنفسنا هونا
والحب ليه هرب منا
ولا نسينا ديننا
مش كنا
وكنا
وكنا
ولا الذاكرة محونا
والكره شل ضميرنا
والعنف روى شوارعنا
وبيوتنا ومنازلنا
بافعالنا اتقتلنا
واتسلط علينا شيطاننا
واتحرقنا و انتحرنا
تحت السكك
اتفرمنا
والفقير قهرنا
واليتيم ظلمنا
والظهر قسمنا
من الرحمة انتقلنا
لابليس اللي رجمنا
وعملنا سوق للبشر
وباع
قطع غيرنا
يا ضمير ارجع لنا وارحمنا
انا منك وانت منا
ليه على بعض هنا
يا عم جاوب على سؤالنا
احنا
بنتقدم ولا للخلف رجعنا
يا خويا يا للي سامعنا
تعالى نخفف وجعنا
ونرجع الود اللي بنا
الرزق متقسم بيومنا
بالقران وسنة شافعينا
والإنجيل والتوراة
ونغنى للسلام بينا
ونعطف على صغيرنا
ونحترم كبيرنا
ربك هو اللي ساترنا
احنا اللي لنفسنا ظلمنا
