ُُلما تزرع الفرحة
الإعلامى/خالد سالم
لما تزرع الفرحة في الدروب
وتطرحها امل في القلوب
تعلى كل يوم الضحكة
و تمحي كروب
وتغفر ذنوب
تسعد قلوب
لما تكون عون للبشر
وتكون خير كحبات المطر
كلامك مش شرط يكون موزون
الشرط تكون قلب صافى حنون
لما تشوف العيون راضية
وحكمة ربنا فينا ماضية
لما الرضا في عين الحزين يفرح
وعود الامل في النفوس يطرح
تعرف ان ربك راضى عليك
لانه جعل الخير على ايديك
اعمل خير كتير وانساه
يحصد نوره اللي ابتداه
ياصاحبي الذكرى عمرها اطول مننا
لما تكون طاقة خير
ترسم بهجة
تساعد الغير
حب الخير
بيكون لك طير
يرجعك وتبقى امير
يهدى العبد في التفكير
و رب له سبحانه التدبير
الخير مش في دفتر التوفير
الخير في قلوب الغير
امل وحب وفجر منير
مش جربت في يوم الحزن
نفع
الغايب رجع مارجعش
وعلى صحتك طبيب ودواء
وضغط ما نزلش
ابنك سقط فحزنت
بحزنك نجح
لا ما نجحش
مات لك عزيز فكمدت
بحزنك عاد للحياة
لا ما رجعش
ضاعت فلوسك فبكيت
بدموعك عادت
لا
الحزن سحب من الرصيد
إياك تكون عنيد
تفاءل
كل ما تحصلك حاجة
انشر خير
كله للغير
يرجع لك طير
ويسموك امير
العبد في التفكير
والمولى في التدبير
على ايه يا عم
شايل الهم
خف بقى واتكن
ربك هو الاحن
