نصائح مهمه ليك عن فيرس الكورونا وتجنبه
تحيا مصر حره
◾️نصائح هامة جداً للشفاء من وباء كورونا بإذن الله :• في حالة لاقدر الله أصيبت أنت شخصياً بالفيروس او أشتبهت في حالة لاي حد قريب ..
ايه اللي مفروض يتعمل ؟
1) أهدي خالص الموضوع بسيط ان شاء الله وأعتبره دور برد وهيعدي ( العامل النفسي 70% من العلاج ).
2) أعزل نفسك في غرفة لوحدك ومتخليش حد يدخل او يخرج من عندك عشان تحافظ علي بيتك وأهل بيتك.
3) إلبس كمامة فوراً .. وحاول تخليهم في البيت يعقموا كل شيء ( بخاخة مياه وعليها مقدار فنجان قهوه كلور ) ويعقموا البيت كله.
4) أستريح في السرير كام يوم يابطل .. وخلي الأكل اللي بيدخلك عبارة عن خضروات بكل أنواعها وسوائل دافية وكمادات وخوافض للحرارة اللي هي (باراسيتامول ومشتقاتها ) زي البنادول وطبعاً فيتامين ( سي ) وحاجة للكحة الناشفة.
5) ان شاء الله اسبوع بالكتير والحالة هتتحسن وتبقي زي الفل ..
طيب في حالة إن الاعراض زادات .. وبدأت تحس ان النفس بقي أقصر وفيه صعوبة في التنفس ؟
هنا نخلي حد يكلم مستشفي الحميات ( الخط الساخن 105 – 15335) وهم هيتصرفوا .. وان شاء الله الموضوع مايوصلش للصعوبة دي.
** لو الحالة سنها أكبر من 50 سنة ..
تجاوز الخطوات ال 4 اللي فوق .. ونبتدي من الخطوة رقم 5.
** و لمعلوماتك :
فيه أكتر من 14 شركة من أكبر شركات الأدوية حول العالم بيطوروا لقاحات وامصال للفيروس ..
منهم 3 شركات بدأوا فعلاً التجارب علي المرضي ..
يعني ان شاء الله علي ابريل يكون الدواء متوفر في كل البلاد اللي فيها إصابات ..
ندعوا الله العلي القدير أن يرفع عنا البلاء والوباء ويشفي المرضي من كل داء ..
• و خليك في بيتك ربنا يكرمك ..
تحياتي .
