فلاش باك
ريهام طارق
فيلم أجنبي بيحكي عن راجل عنده مشكلة في كتافه بتخليه يمشي بإنحناءة طول الوقت لف على دكاترة كتير عشان يعرف السبب ومحدش قادر يعرف السبب وفي مرة بيتصور لقى في الصورة ست متعلقة في كتافه .. يبص على المراية ميلاقيهاش .. يرجع يتصور يلاقي الست متعلقة على كتافه . ( كانت بتظهر له بس في الصور ) .
بيحصل (فلاش باك ) وبنعرف ان الست دي هو عمل فيها (شئ ما) مؤذي , خلى روحها طول ما هيا عايشه وحتى من بعد ما ماتت فضلت متعلقة في رقبته .
بالرغم إن الفيلم لأول وهلة يبان خيالي , الا انه هو واقعي جدااا .. أي حد بتأذيه وبيفضل متضرر بأذاك , ذنبه هيفضل متعلق في رقبتك , ولو عندك شوية ضمير ,, ضميرك هيفضل يوجعك العمر كله وهتبقى عايش مش مستريح .
متخيل لو الناس اللي بنأذيها نفسيًا أو عاطفيًا أو ماديًا أو جسديًا … الخ…. روحهم بيتعلقوا في رقبتنا , هنلاقي كام روح متعلقة فينا وكام روح مش هتسامحكم??
