فن
اكتب ودون ….يا تاريخ
** سالي ميخائيل **
اكتب ودون ….يا تاريخ
اي جرالنا………. من الكورونا
اكتب وهات ……كل شئ
من أول ما ظهر…لحد ما حظرونا
وبلاش تقول جه منين .
ومين اشترى …….ومين باعونا
احكي عن بلاد… تهد جبال
واقفة………. بتصرخ الحقونا
عمالة تحصد في حالات
كام ألف مات ..من الكورونا
فات الاوان للالتزام ولو هموت !
مافيش……. مكان يدفنوننا
غريب مش عارف اعود ولو هعود
لازم …لازم في الحجر يحطونا
كل البيبان أتقفلت كافيهات قهاوى
دوروس نوادى …للتجمع مانعونا
طول النهار مصر تنادى
خليك فى بيتك…وافهمونا
اغسل ايديك خاليك بعيد
بلاش سلام …بلاش تبوسونا
وكان الناس مش عاوزة تسمع
هيروحوا بلاش ويضيعونا
احكى ياتاريخ وبلاش تدمع
علي الى راحوا وسابونا
احكى وسيب كام نقطه لسه
الحكاية ليها بقيا ماتنسونا
