يوميات ريهو المحظورة
المهندسة:ريهام طارق
يوميات ريهو المحظورة
رساله شكر إلي فيروس كورونا
شكرا كرونا خلتيني أعرف أن البني آدم مهما وصل جبروته أنه أضعف من بعوضه وأن فيروس مش بنشوفه بالعين المجردة حبس العالم كله بالبيت رحمتك يا الله
شكرا كرونا خلتيني بالبيت اكتر واعدت مع ولادي اكتر
شكراً كرونا خلتيني كلمت صحابي فون واسال عليهم ورجعنا نرغي بالساعات زي زمان
شكرا كرونا خلتيني اشوف الناس إللي حواليا اكتر واحس بيهم
شكرا كرونا خلتيني أسأل علي جيراني
شكراً كرونا خلتيني أحس بقيمه كل حاجه حلوه في حياتي ماكنتش عارفه قيمتها
اعدتي مع صحابي في الكافيه
ضحكنا وسهرنا للصبح واحنا مع بعض مش خايفين
شكرا كرونا خلتيني أحس بقيمه إني مطمنه وحره وبتحرك أي وقت أنا عاوزاه
شكرا كرونا خلتينا كلنا نحس بقيمه الصلاه في المسجد وصلاه الجمعه إللي ربنا حرمنا منها أدبا لينا
شكرا كرونا لدموعي إللي نزلت وأنا شايفه بيت الله فاضي وكان ربنا طردنا منه مش فيه غير عامل نظافه كأنه بيقولنا افضلكم عندي عملا وإيمانا مش كرسي ومنصب وجاه
شكرا كرونا خلتيني أسامح كل إللي زعلني واصفي قلبي لأني مش ضامنه عمري بجد
شكرا كرونا أنك خلتينا كلنا نعرف أد إيه ربنا بيحبنا وبيقوقنا علشان نرجع له
حبيبي يا الله مالناش غيرك
كلنا الله في بطن الحوت
كلنا يالله في غمه وأنت الوحيد اللي قادر تصرفها
لا إله إلا أنت سبحانك إني كنت من الظالمين
لا اله الا انت سبحانك اني كنت من الظالمين
لا اله الا انت سبحانك اني كنت
Reho Tarek
