هشام سليم يصرح بجراءة فى تصريحات تلفزيونيه ” بنتى نورا أصبحت إبنى نور ”
كتبت:مريم عماد
كشفالفنان #هشام_سليم في تصريحات تلفزيونية لأول مرة عن تعرض إبنته “نورا” لعملية تحول جنسي وأصبحت ذكرًا قائلًا:
“إبنتي نورا أصبحت إبني نور! ”
وتابع:
“بنتي من أول ما اتولدت وأنا شاكك فيها جدًا حتى جسمها ماكنش جسم بنت من صغرها
لحد ما في يوم من الأيام وهي ١٨ سنة وبشجاعة وجرأة منها جت قالتلي وصارحتني: “بابا أنا عايشة في جسم غير جسمي”
ماقستش عليها ولا عاقبتها على خلل هرموني هي مالهاش ذنب فيه كلنا أكيد كنا متلخبطين وأنا متلخبط لكن أول حاجة قلتهالها: شوفي يا بنتي أنا مطلوب منى إيه وهعملهولك
وكان في مشكلة بيننا بسبب رفض تحويل البطاقة بتاعته وفى بعض الأوقات كان بيحصل بينا خلاف لما كنت بغلط وأقوله إنتى فزعل وكان عايش بعيد فترة
بس كان صعب عليا جدًا إني أمحي ١٨ سنة من ذاكرتي كـ بنتي نورا لكن أنا ماكنتش أناني واخترت إني أقف جنبها لغاية ما تتعالج وتتحول بالعلاج الهرموني لـ ولد
والله يكون في عون أي أب أو أم عندهم حالة زي دي .. ولكن في النهاية دي من دمي لازم أساعدها إنها تلاقي نفسها
وأنا مش طالب من المجتمع ولا من حد إنه يتقبل أو مايتقبلش .. بس بطلب منهم الرحمة في الحكم على الناس دي لأنهم بيعيشوا حياتهم كلها متعذبين”.
