فن
قصيدة أنا مصرى
بقلم/محمد حسن
قصيدة أنا مصرى
أنا مصرى
أنا مصرى وده أصلى
وكلمة مصرى عجباني
وحبى ليك يابلدى
يزيد عن أم ولدانى
وعشقى ليك يا بﻻدى
عاشق عشقك فى شريانى
فيه أكتر إنى اكون نايم
أقوم و ألقاكى وحشانى
…..
ويوحشنى الهوا والنيل
ويوحشنى النخيل والطين
ورغم انك محوطانى
صبيه فعينى يا بلدى
ناقصنى أخدك فى أحضانى
…….
مانا إبنك وإنت أمى
مانا منك وأنا فيك
قوليلى ازاى اجافيك
وأصﻻ كلى انا ليك
وحتى منى وخدانى
…..
وكونى إن انا مصرى
أنا أفخر بأوطانى
فأنا مصرى وده أصلى
وكلمة مصرى عجباني
