فن
راحوا والعمر غافي بظلهم
كتبت/ زيزى ضاهر
راحوا والعمر غافي بظلهم
وشوشني الصبح وقلي
عن حباب فلوا عا خفا
شو كانت أصواتهم تحكي
أخبار عن جوعهم إلنا
بس مشوارهم بعيد
مش رح يرجعوا لعنا
وكلمة يعودوا
بآخر الوجع غصة
قالها العمر البقي منا
وردد الكلمة عشفاف
الندى بدمعة صلا
صرخ بغمرة مشتاق ليهن
ومالت غصون الورد عا تمها
لا وين بدهم يرجعوا
والعمر عم يركض حفا
راحوا ل مكان بعيد
مش موجود سرّو بالدني
لا دنيا بعيدة عن عيون الحلم
ووجوه ل بشر مش ملونة
متل خريف عمرهم نايم
بفي الحكي
وغيابهم كتب بحروفه
صرخة وجع
يا دار صارو بعاد
تخمين يمكن يرجعوا
قبل ما الغيم يشق رياحه
والطير يفرد جناحه
متل ربيع تكحل الفجر بنورهم
والدرب عم يصرخ كفى
نام الشتا موجوع منهم
والثلج غافي وجوعان ليهم
دعساتهم بعدها والصدى
يمكن شي يوم يرجعوا
قبل ما يسافر الحلم
وينام حضن الليل
بآخر المدى
بس يا ريت بعد
فيهم يرجعوا
