اشرف محفوظ
«إن الله يرزق من يشاء بغير حساب» لأنه حين يرزق، لا توجد سلطة أعلى تسأله لماذا أعطيت هذا أكثر من غيره؟ لا يوجد كادر يحكمه، ولا قانون.
لكن طبعاً بيكون في حساب بس ده مخفي حاجة كده بين العبد وربه .. وإبراهيم إن كان من أوائل الثانوية العامة ..هناك الكثير من المتفوقين .. وإن كان نجل رجل بسيط بائع للفريسكا .. فالبسطاء كثيرون .. ولكن ربنا أراد يشاور عليه .. أكيد فى يوم جيه إبراهيم وصحى أبوه من النوم وقاله أنا الأول فى الثانوية العامة .. فرحة بائع الفريسكا الأب بتفوق أبنه غسلت هموم وتعب سنين كتير .. كتير أوي .. يمكن كانت أول يوم في حياة الأب أنه ينام على سريره مرتاح البال .. ودعوته وصلت لرب السماء بدون أي حواجز .. فقرر ربنا يفاجئوا بفرحة مكنش يتخيلها فى حياته .. فاكرين جملة الشيخ الشعراوي «لا تعبدوا الله ليعطى بل اعبدوه ليرضى فإن رضى ادهشكم بعطائه» رضا الوالدين من رضا الرب .. ربنا أراد أن يدهش عم عبد الناصر ونجله بائعي الفريسكا بعطاءه .. والموضوع يتصدر الرأى العام علشان يدينا رسالة وأمل .. أن ربنا ممكن في يوم من الأيام يدهشك بعطاءه بس ترضى وترضي إللى حواليك ..واللى ربنا يحبه هيحبب في خلقة
بالمناسبة الواد إسمه على مسمى .. إبراهيم عبد الناصر «راضي»
