بقلم /مصطفي عبدالله
خلاصة كل المصائب و الأحداث الغريبة والناس الأغرب
الناس هي هي و الحاجات دي طول عمرها بتحصل و ممكن حاجات أكثر غرابة و شذوذ كمان لكن الحاجات دي مكنتش بتوصلنا لسببين اولا عدم وجود وسائل النشر من ناحية فالموضوع بيبقى زوبعة في فنجان و يخلص في محيطه الصغير و الناس كان لسه عندها ما يسمى ب ثقافة الستر أو عبادة الستر لأنها عبادة فعلا و من ارقى واصعب العبادات تم استبدالها بثقافة النشر و عبادة تحقيق المشاهدات و جني اللايكات لأن كل واحد مننا حتى لو مش لاقي ياكل معاه وسيلة إعلام و نشر و موبيل حديث و وسائل التواصل والموبايل بقوا منبر اعلامي لكل من لا منبر له و لكل من هب و دب .
كل واحد متخيل نفسه وسيلة إعلام و قناة إعلامية له هو وحده حرية اختيار ما يبثه وفقا لمعاييره هو وثقافته و يا سلام بقى لو صور اي حد في وضع غريب او وضع يستنكره عموم الناس و طبعا مفيش اي مواثيق أخلاقية و انشر و افضح يا عم الحاج
الأدهى بقى انك تلاقي اي حد غاوي شهرة و فرقعه يتعمد يعمل اي حاجه هبله أو غريبة أو خارج نطاق الاداب والأعراف و الناس الهبله تنشر و تهلل و بيكون دا المطلوب
مجتمع طيب بالفطرة
