نصيحه لكم من دنيا ودين : اي انسان شاب لو ملاك شيخ متدين وكلمتيه من وراء اهلك عمرة ما حيرتبط بيكي
كتبت /،عفاف كمال
انتشر في تلك الاونه الزواج سرا اوالعرفي او علاقات بدون زواج وكلها جرائم تحت مسمي الحب فالزواج سرا باطل لانه بدون ولي وشهود ولا تتحقق فيه اركان الاشهار
وعن عائشة رضي الله عنها قالت : قال رسول الله صلى الله عليه وسلم : ” أيما امرأة نكحت بغير إذن وليها فنكاحها باطل فنكاحها باطل ، فنكاحها باطل ، فإن دخل بها فلها المهر بما استحل من فرجها ، فإن اشتجروا فالسلطان ولي من لا ولي له .
اي شاب قال لك معجب بيكي أو حتى بحبك.. هتستفادي ايه لما تقابليه من ورا أهلك .. هتستفادي ايه لما العلاقة ممكن تتطور لحاجة تضيعي بيها وتضيع كرامه ارسرتك والدك وانت صغيرة كان بيخاف رجلك تنزل الارض لتتعاص بالتراب متخليش انت وجهه كله تحت التراب !! هتستفادي ايه لما يستغل الصور والفيديوهات؟؟!! ولا حتى الكلام اللي بينكم ويذلك ويذل أهلك اللي مشافوش طعم النوم ولا الراحة عشان يربوكي وعالوا همك عشان تكبري ويشوفوكي أحسن واحدة في الدنيا.. هتشتفادي ايه لما يستغل كل اللي بتعمليه معاه غلط ويدوس على كرامتك هتستفادي ايه لما في لحظة ممكن تصبحي حامل منه وفي كل الأحوال هتجيبي العار لك ولأهلك .. هتستفادي ايه لما بيوت تتخرب وثأر يولع الدنيا ويخرب بلاد وبيوت.
البنت الي تبعت صور أو تتكلم بطريقة خارجة مع أي حد أحب أقولها ” اللي شافك بالحرام و ببلاش عمره ما هفكر يشتريكي “، فبلاش ترخصي نفسك مهما حصل.. متأمنيش لحد مهما كان إلا الشخص اللي يدخل البيت من بابه اللي تكوني خلاص مكتوبة على اسمه في عقد قران رسمي ده حتى خطيبك متعمليش معاه كده.. الحلال مفيش أحلى منه صدقوني .. ارفعوا راس اللي ربوكم وبلاش تخلوا راسهم في الطين.
مش بقصد حد بكلامي دول عشان لو حسبنا الاحصائيات بتاعت الفترة اللي فاتت هتلاقيها كبيرة خارجة عن العادات والتقاليد والقيم اللي تربينا عليها هنا في الاسلام بل وفي جميع الاديان مترموش اللوم على محافظه بعينها في كل مكان في ألعن وألعن وما خفي كان أعظم.
التضييق المفرط أو الحرية المفرطة لها عواقب كبيرة.. صاحبوا بناتكم واخواتكم وحتى أمهاتكم وزوجاتكم.. خلوكم أقرب حد ليهم هتكسبوهم.. متخلوش حاجة مهما كانت تشغلكم عنهم مهما حصل.. ومهما كان ومهما حصل ومهما كان المجتمع فاسدًا بنت الأصول هتفضل بنت أصول.
وبالنسبة للشباب بجد كفاية راعوا ربنا في اللي بتعملوه .. مش هتستفادوا حاجة .. مهما كانت الصعوبات اللي بتواجهكم في الزواج ومصاريفه ومهما كانت أي ظروف تحكم عليك .. ابعدوا عن الجريمة الوسخة دي في حقكم وحق المجتمع كله.
الي بتعمله مع بنت ربنا بيردة بكرة مع اختك بنتك حد من اهلك
بلاش بحبه او بحبها الحب الي ربنا احله بيكون علي يد مازون
وربنا خلي الفرح ليه الناس تدعي وتعلن علشان الدنيا كلها تعرف ان فلان او فلانه تزوجت ولما تجيب طفل الناس تفرح
وتبارك مش في السر وورقه عرفي ولا بدون ورقه البنت
بتكتب موتها وموت اهلها .
