اديب : مفيش بلد في العالم محلاتها بتقعد لبعد 12 بالليل
توك شو
علق الإعلامي عمرو أديب، على قرار محافظ الإسماعيلية بإغلاق جميع المقاهي في المحافظة بعد الساعة 1 صيفًا و12 شتاءً، قائلًا: “المحافظ قال للحد من معدلات الطلاق، هو شايف إن فيه ضرر اجتماعي حقيقي عنده”.
وأضاف خلال تقديمه برنامج “الحكاية”، المذاع عبر فضائية “إم بي سي مصر”، مساء اليوم الاثنين: “مفيش بلد في العالم كل محلاتها بتقفل وقت ما هي عايزة وتفضل فاتحة بعد 12 و1 بالليل، دي منطقة فيصل ست البيت تقدر تنزل الساعة 4 الصبح تجيب خضار”.
وتابع: “لكن السؤال هل تستطيع إنك تخلي المصريين يروحوا بدري؟ والمحلات إنها تقفل بدري؟ مسألة من أصعب ما يمكن، إمبراطورية القهاوي والمحلات في مصر غير طبيعية، لما تكون نازل تسهر 2 أو 3 هتروح شغلك إمتى؟ وحتى لو راح الساعة 9 هيبقى منتبه إزاي؟
هذه ليست صفات دول تسعى للنمو”.
يذكر أن اللواء حمدي عثمان، محافظ الإسماعيلية، قد أصدر قرارًا بإغلاق جميع المقاهى الساعة الواحدة بعد منتصف الليل صيفًا، والساعة الثانية عشر مساءً شتاءً.
