مصر تسيطر على إنتاج التمور من جديد
حلاوة البارحى واللى سافر الخليج داق احلى بارحى
البارحى فى مصر عمره ما كان بينزل سعره عن ٤٠ جنيه الكيلو ومش بحلاوة بارحى الخليج
تعال النهاردة وشوف البارحى المصرى اللى زى العسل اللى مغرق السوق والكيلو من الفكهانى ب٢٠ وبس .. يعنى حتجيبه من السوق ارخص كمان
– وهو البارحى كمان حتحسبوه انجازات ؟؟؟
ايوه طبعا انجازات
– لما تعرف ان فى 1.35 مليون نخلة اتزرعوا كمراحل اولى فى اكبر مزرعة نخيل وتمور فى العالم كله على ارض مصر؟؟؟!!!! متخيل الرقم ؟؟؟!!
النخل ده بدا زراعته من اكتر من ٤ سنين وماشين فى الخامسة وما حدش فينا كان حاسس ولا عارف
كام ايد اشتغلت فى المشروع ده ؟؟ كام معدة حديثة شاركت ؟؟؟كام مليار اتصرفت عشان تعمر وتستصلح فى الصحراء والصعيد بالشكل ده ؟؟
دى مش مجرد مزرعة .. دى كمان مصانع مصاحبة للمشروع سواء للتمور .. او حتى لسعف النخيل والاخشاب .. دى مدينة كاملة بكل احتياجاتها من بنية تحتية وطرق ومحطات مياه ورى وكهربا وصرف ووحدات ادارية وسكنية
الزراعة تمت باحدث الطرق العالمية .. كل نخلة من دول قصادها كود تعريفى من خلاله بتوصل لبيانات النخلة دى كلها بما فيه المهندس المسئول عنها .. شغل باحدث التقنيات
– مصر حاليا هى الاولى عالميا وعربيا فى انتاج التمور .. يعنى سبقنا الخلييج كمان
اللى بيحصل على ارض مصر عدى مرحلة الانجاز واصبح اعجاز بجد.
