” سوق الأدب “. للشاعرة شيماء غريب
أدخل أنا في مدق وأرجع أسير في زقاق 🕺 دنيا الخلايق كده كأننا في سباق 🏃♂️ خير الكريم يدهشك ويكفي في الأطباق 🫧 ياناس ببيع الأدب ياناس ببيع أخلاق 📢
بقلم الشاعرة شيماء غريب
صحيت طلبت الرزق وقولت يا رزاق 🤲
فكرت أبيع سلعة فكرت في الأزواق 🤔
بصيت يمين وشمال ملقتش غير كام شعر وقصيدة
عـ الأخلاق… 📿
نزلت سوق الأدب وقاصدة أنا الخلاق…. 🤲
وفرشت أشعاري وناديت هنا الأشواق 📢
قطع الندا صوتي ملقتش غير كام عاق 😢
خط الأمل كملته باب الكريم ما ضاق 👌
كررت تاني الندا تقلت تاني الساق 👣
مهمنيش التعب وان الطريق كان شاق 🧎♂️
أدخل أنا في مدق وأرجع أسير في زقاق 🕺
دنيا الخلايق كده كأننا في سباق 🏃♂️
خير الكريم يدهشك ويكفي في الأطباق 🫧
ياناس ببيع الأدب ياناس ببيع أخلاق 📢
ملقتش أنا مشتري و النظرة كات إشفاق 😔
الأرض دي مش صالحة دي أرض بور ونفاق 💔
فين لما كان الشعر يتباع كأنه ميثاق 🈹
كل سطور الأدب مليانة خير و وفاق ♥
قلبي اتوجع مني حسيت أنا الإرهاق 🤕
ولأني قاصدة كريم قمري مكانش محاق 🌗
ظهر الأصيل فجأة وكأنه طير في أفاق 🕊
قالي أنا شاري بكام تبيعي الأدب ومعاكي كام أخلاق ❓
وقف الكلام ساكت و سمايا كله اختناق 🌥
حتي عيوني دمعوا ونورها كان براق 😢
رديت عليه وقتها أنا نَسلي مـ الأعراق 🎩
تكتر خزاين أدبي و ميراثنا الأخلاق 👌
والشعر ده راس مالي ما تساعوا يوم أوراق 📕
أنا راجعة أنا وسلعتي مفيش ما بينا فراق 🖐
وعشان حييت علـ القيم فرزقي عـ الرزاق ☝🤲
