أنا المصري فاطمة عبد الواسع
أنا المصري
تأليف / فاطمة عبد الواسع
أنا المصري ومعروف من اسمي.
شكلي أصيل وملامحي تشهد لي .
عنواني معروف في خريطة الكون .
اول ما تبص عليها تلاقي نور .
النور ساطع بنجاحي دهور .
وفي بلاد العالم تلاقيني مشهور .
انا أنور وزويل وصلاح ومحفوظ.
انا اسم رئيسي خيل عربي أصيل .
اسمه السيسي في الزمن ده تسمعه كتير .
وقف بجيشه وشعبه وصمد .
وفي الوش الخونة كان أسد .
وفي عز خراب العالم بني .
وحط عامود في كل ميدان.
يصرخ ويقول انا مصري لكل جبان .
من صدي الكلمة يخرج جدعان.
وبدبة رجل تهد جبال .
أنا المصري وقلبي بيغني
بلحن سلام .
وما انسى جميل حد زمان .
ولو كمل وقفته جنبي
أفتح دراعي ليه بالاحضان .
وريحتي مسك في أرضه أمان .
انا المصري وحبي دليل في كل مكان.
بص شمال وبص يمين .
هتلاقي حوار اسمه الوطني بالملايين .
يتكلم ويقول صامدين .
واقفين للآخر ومش كالين .
ع العهد كلمة اتقالت من ظابط مصري .
وسط كمين بيحمي بلاده بدمه
وزيه كتير .
ماهو مصري أصيل بلون النيل.
