توك شو
ورد انقطف قبل اوانه
بقلم / فاطمة عبدالواسع
الطفل ع دراع امه والتاني في احشائها ساكن .
وابوه في شغله وع الضهرية راجع.
وسته بتطبخ لقمة ليهم وجده ع السجادة ساجد .
وعمه اتصل عليهم قال جاي زاير .
والجارة هنية ع الباب بطبق حلوي صابح .
والجد حلف عليها ع الغدا تتضايف .
والاخت الصغيرة ع الباب بتلعب مع ابن العم سامح .
والكل اتجمع ع طبلية وبسم الله ناكل .
فجأة الجمع ع صوت الصاروخ قايم .
وبعلو الصوت يتشهد وبسبابته رافع.
ومات الطفل في حضن امه والتاني في احشائها شاهد .
انا كنت في بيتي و بنبض أمي عايش.
وسكت النبض وقلبي اتهد .
من قبل ماأخرج اشوف للدنيا أرض.
و مات شوقه لحياته واحلامه .
كان ع ارضه ووسط اهله وجيرانه ……
ويردد ورد انقطف قبل اوانه لكن جذوره لسه في ارضه تطرح الف بداله .
