توك شو
هغيب بقلم فاطمة عبدالواسع
هغيب
بقلم فاطمة عبدالواسع
وهغيب اه هغيب و هعشق الوحدة .
ومش هظهر لاني بقيت من الظهور خايفة.
وهسكت ومش هفضفض لناس تانية
.
اصل ظهوري كان مسكن لألام تايهه.
بدفن وراه الوجع وامثل بضحكة صايحة.
ولاقيت ضحكي وظهوري جرح للغاليين.
ففجأة لاقيت نفسي وسط الحضور غايبة.
فقولت الم الصور والضحكة وأمشي بعيد .
وكل شوية الاقي نفسي للوحدة أميل
ومن جوة مكسورة ومهزومة وصبري قليل .
والوم علي نفسي وقلبي يرد .
انا ليه بتحاسب علي ذنب مش ليا .
وطريقي بالكدابين مليان .
وفجأة بقت الوحدة ازحم من الزحمة .
صخب وخناق و كلام كتير .
و مناهدة بين عقل وقلب وضمير حيران .
وما بقتش الوحدة اريح من الزحمة زي زمان .
وهسكت برضه يانفسي .
شكل لا ليكي ولا ليا في الدنيا دي مكان.
